Dhammapaccanīye Dukatikapaṭṭhānaṃ

Dhammapaccanīye dukatikapaṭṭhānaṃ

1-1. Hetuduka-kusalattikaṃ

1-7. Paṭiccavārādi

Paccayacatukkaṃ

Hetupaccayo

1. Nahetuṃ nakusalaṃ dhammaṃ paṭicca nahetu nakusalo dhammo uppajjati hetupaccayā – nahetuṃ akusalaṃ abyākataṃ ekaṃ khandhaṃ paṭicca tayo khandhā cittasamuṭṭhānañca rūpaṃ. Nahetuṃ nakusalaṃ dhammaṃ paṭicca nanahetuṃ nakusalo dhammo uppajjati hetupaccayā – nahetū akusale abyākate khandhe paṭicca hetū. Nahetuṃ nakusalaṃ dhammaṃ paṭicca nahetu nakusalo ca nanahetu nakusalo ca dhammā uppajjanti hetupaccayā. (3)

Nanahetuṃ nakusalaṃ dhammaṃ paṭicca nanahetu nakusalo dhammo uppajjati hetupaccayā. Nanahetuṃ nakusalaṃ dhammaṃ paṭicca nahetu nakusalo dhammo uppajjati hetupaccayā. Nanahetuṃ nakusalaṃ dhammaṃ paṭicca nahetu nakusalo ca nanahetu nakusalo ca dhammā uppajjanti hetupaccayā. (3)

Nahetuṃ nakusalañca nanahetuṃ nakusalañca dhammaṃ paṭicca nahetu nakusalo dhammo uppajjati hetupaccayā. Nahetuṃ nakusalañca nanahetuṃ nakusalañca dhammaṃ paṭicca nanahetu nakusalo dhammo uppajjati hetupaccayā. Nahetuṃ nakusalañca nanahetuṃ nakusalañca dhammaṃ paṭicca nahetu nakusalo ca nanahetu nakusalo ca dhammā uppajjanti hetupaccayā. (3) (Saṃkhittaṃ.)

2. Hetuyā nava…pe… avigate nava.

Nahetuyā dve.

(Sahajātavārepi…pe… sampayuttavārepi sabbattha vitthāro.)

Hetu-ārammaṇapaccayā

3. Nanahetu nakusalo dhammo nanahetussa nakusalassa dhammassa hetupaccayena paccayo. Nanahetu nakusalo dhammo nahetussa nakusalassa dhammassa hetupaccayena paccayo. Nanahetu nakusalo dhammo nahetussa nakusalassa ca nanahetussa nakusalassa ca dhammassa hetupaccayena paccayo. (3)

Nahetu nakusalo dhammo nahetussa nakusalassa dhammassa ārammaṇapaccayena paccayo. (Saṃkhittaṃ.)

4. Hetuyā tīṇi, ārammaṇe nava…pe… avigate nava. (Pañhāvāraṃ evaṃ vitthāretabbaṃ).

5. Nahetuṃ naakusalaṃ dhammaṃ paṭicca nahetu naakusalo dhammo uppajjati hetupaccayā – nahetuṃ kusalaṃ abyākataṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… nahetuṃ naakusalaṃ dhammaṃ paṭicca nanahetu naakusalo dhammo uppajjati hetupaccayā – nahetū kusale abyākate khandhe paṭicca hetū. Nahetuṃ naakusalaṃ dhammaṃ paṭicca nahetu naakusalo ca nanahetu naakusalo ca dhammā uppajjanti hetupaccayā. (3)

Nanahetuṃ naakusalaṃ dhammaṃ paṭicca nanahetu naakusalo dhammo uppajjati hetupaccayā. Nanahetuṃ naakusalaṃ dhammaṃ paṭicca nahetu naakusalo dhammo uppajjati hetupaccayā. Nanahetuṃ naakusalaṃ dhammaṃ paṭicca nahetu naakusalo ca nanahetu naakusalo ca dhammā uppajjanti hetupaccayā. (3)

Nahetuṃ naakusalañca nanahetuṃ naakusalañca dhammaṃ paṭicca nahetu naakusalo dhammo uppajjati hetupaccayā. Nahetuṃ naakusalañca nanahetuṃ naakusalañca dhammaṃ paṭicca nanahetu naakusalo dhammo uppajjati hetupaccayā . Nahetuṃ naakusalañca nanahetuṃ naakusalañca dhammaṃ paṭicca nahetu naakusalo ca nanahetu naakusalo ca dhammā uppajjanti hetupaccayā. (3) (Saṃkhittaṃ).

Hetuyā nava…pe… avigate nava. (Sabbattha nava.)

6. Nahetuṃ naabyākataṃ dhammaṃ paṭicca nahetu naabyākato dhammo uppajjati hetupaccayā – kusalākusalaṃ nahetuṃ ekaṃ khandhaṃ paṭicca tayo khandhā, tayo khandhe paṭicca eko khandho. Nahetuṃ naabyākataṃ dhammaṃ paṭicca nanahetu naabyākato dhammo uppajjati hetupaccayā. Nahetuṃ naabyākataṃ dhammaṃ paṭicca nahetu naabyākato ca nanahetu naabyākato ca dhammā uppajjanti hetupaccayā. (3)

Nanahetuṃ naabyākataṃ dhammaṃ paṭicca nanahetu naabyākato dhammo uppajjati hetupaccayā… tīṇi.

Nahetuṃ naabyākatañca nanahetuṃ naabyākatañca dhammaṃ paṭicca nahetu naabyākato dhammo uppajjati hetupaccayā. Nahetuṃ naabyākatañca nanahetuṃ naabyākatañca dhammaṃ paṭicca nanahetu naabyākato dhammo uppajjati hetupaccayā. Nahetuṃ naabyākatañca nanahetuṃ naabyākatañca dhammaṃ paṭicca nahetu naabyākato ca nanahetu naabyākato ca dhammā uppajjanti hetupaccayā. (3) (Saṃkhittaṃ.)

Hetuyā nava…pe… avigate nava. (Sabbattha nava.)

1-2 Hetuduka-vedanāttikaṃ

7. Nahetuṃ nasukhāya vedanāya sampayuttaṃ dhammaṃ paṭicca nahetu nasukhāya vedanāya sampayutto dhammo uppajjati hetupaccayā. Nahetuṃ nasukhāya vedanāya sampayuttaṃ dhammaṃ paṭicca nanahetu nasukhāya vedanāya sampayutto dhammo uppajjati hetupaccayā. (Saṃkhittaṃ.)

Hetuyā nava. (Sabbattha nava.)

8. Nahetuṃ nadukkhāya vedanāya sampayuttaṃ dhammaṃ paṭicca nahetu nadukkhāya vedanāya sampayutto dhammo uppajjati hetupaccayā. (Saṃkhittaṃ.)

Hetuyā nava. (Sabbattha nava.)

9. Nahetuṃ naadukkhamasukhāya vedanāya sampayuttaṃ dhammaṃ paṭicca nahetu naadukkhamasukhāya vedanāya sampayutto dhammo uppajjati hetupaccayā. (Saṃkhittaṃ.)

Hetuyā nava. (Sabbattha nava.)

1-3-9. Hetuduka-vipākādittikāni

10. Nahetuṃ navipākaṃ dhammaṃ paṭicca…pe….

Nahetuṃ navipākadhammadhammaṃ paṭicca…pe….

Nahetuṃ nanevavipākanavipākadhammadhammaṃ paṭicca…pe….

11. Nahetuṃ naupādinnupādāniyaṃ dhammaṃ paṭicca…pe….

Nahetuṃ naanupādinnupādāniyaṃ dhammaṃ paṭicca…pe….

Nahetuṃ naanupādinnaanupādāniyaṃ dhammaṃ paṭicca…pe….

12. Nahetuṃ nasaṃkiliṭṭhasaṃkilesikaṃ dhammaṃ paṭicca…pe….

Nahetuṃ naasaṃkiliṭṭhasaṃkilesikaṃ dhammaṃ paṭicca…pe….

Nahetuṃ naasaṃkiliṭṭhaasaṃkilesikaṃ dhammaṃ paṭicca…pe….

13. Nahetuṃ nasavitakkasavicāraṃ dhammaṃ paṭicca…pe….

Nahetuṃ naavitakkavicāramattaṃ dhammaṃ paṭicca…pe….

Nahetuṃ naavitakkaavicāraṃ dhammaṃ paṭicca…pe….

14. Nahetuṃ napītisahagataṃ dhammaṃ paṭicca…pe….

Nahetuṃ nasukhasahagataṃ dhammaṃ paṭicca…pe….

Nahetuṃ naupekkhāsahagataṃ dhammaṃ paṭicca…pe….

15. Nahetuṃ nadassanena pahātabbaṃ dhammaṃ paṭicca…pe….

Nahetuṃ nabhāvanāya pahātabbaṃ dhammaṃ paṭicca…pe….

Nahetuṃ nanevadassanena nabhāvanāya pahātabbaṃ dhammaṃ paṭicca…pe….

16. Nahetuṃ nadassanena pahātabbahetukaṃ dhammaṃ paṭicca…pe….

Nahetuṃ nabhāvanāya pahātabbahetukaṃ dhammaṃ paṭicca…pe….

Nahetuṃ nanevadassanena nabhāvanāya pahātabbahetukaṃ dhammaṃ paṭicca…pe….

1-10-21. Hetuduka-ācayagāmādittikāni

17. Nahetuṃ naācayagāmiṃ dhammaṃ paṭicca…pe….

Nahetuṃ naapacayagāmiṃ dhammaṃ paṭicca…pe….

Nahetuṃ nanevaācayagāmiṃ nāpacayagāmiṃ dhammaṃ paṭicca…pe….

18. Nahetuṃ nasekkhaṃ dhammaṃ paṭicca…pe….

Nahetuṃ naasekkhaṃ dhammaṃ paṭicca…pe….

Nahetuṃ nanevasekkhanāsekkhaṃ dhammaṃ paṭicca…pe….

19. Nahetuṃ naparittaṃ dhammaṃ paṭicca…pe….

Nahetuṃ namahaggataṃ dhammaṃ paṭicca…pe….

Nahetuṃ naappamāṇaṃ dhammaṃ paṭicca…pe….

20. Nahetuṃ naparittārammaṇaṃ dhammaṃ paṭicca…pe….

Nahetuṃ namahaggatārammaṇaṃ dhammaṃ paṭicca…pe….

Nahetuṃ naappamāṇārammaṇaṃ dhammaṃ paṭicca…pe….

21. Nahetuṃ nahīnaṃ dhammaṃ paṭicca…pe….

Nahetuṃ namajjhimaṃ dhammaṃ paṭicca …pe….

Nahetuṃ napaṇītaṃ dhammaṃ paṭicca…pe….

22. Nahetuṃ namicchattaniyataṃ dhammaṃ paṭicca…pe….

Nahetuṃ nasammattaniyataṃ dhammaṃ paṭicca…pe….

Nahetuṃ naaniyataṃ dhammaṃ paṭicca…pe….

23. Nahetuṃ namaggārammaṇaṃ dhammaṃ paṭicca…pe….

Nahetuṃ namaggahetukaṃ dhammaṃ paṭicca…pe….

Nahetuṃ namaggādhipatiṃ dhammaṃ paṭicca…pe….

24. Nahetuṃ naanuppannaṃ dhammaṃ paṭicca…pe….

Nahetuṃ nauppādiṃ dhammaṃ paṭicca…pe….

25. Nahetuṃ naatītaṃ dhammaṃ paṭicca…pe….

Nahetuṃ naanāgataṃ dhammaṃ paṭicca…pe….

26. Nahetuṃ naatītārammaṇaṃ dhammaṃ paṭicca…pe….

Nahetuṃ naanāgatārammaṇaṃ dhammaṃ paṭicca…pe….

Nahetuṃ napaccuppannārammaṇaṃ dhammaṃ paṭicca…pe….

27. Nahetuṃ naajjhattaṃ dhammaṃ paṭicca…pe….

Nahetuṃ nabahiddhā dhammaṃ paṭicca…pe….

28. Nahetuṃ naajjhattārammaṇaṃ dhammaṃ paṭicca…pe….

Nahetuṃ nabahiddhārammaṇaṃ dhammaṃ paṭicca…pe….

1-22. Hetuduka-sanidassanattikaṃ

1-7. Paṭiccavārādi

Paccayacatukkaṃ

Hetupaccayo

29. Nahetuṃ nasanidassanasappaṭighaṃ dhammaṃ paṭicca nahetu nasanidassanasappaṭigho dhammo uppajjati hetupaccayā. Nahetuṃ nasanidassanasappaṭighaṃ dhammaṃ paṭicca nanahetu nasanidassanasappaṭigho dhammo uppajjati hetupaccayā. Nahetuṃ nasanidassanasappaṭighaṃ dhammaṃ paṭicca nahetu nasanidassanasappaṭigho ca nanahetu nasanidassanasappaṭigho ca dhammā uppajjanti hetupaccayā. (3)

Nanahetuṃ nasanidassanasappaṭighaṃ dhammaṃ paṭicca nanahetu nasanidassanasappaṭigho dhammo uppajjati hetupaccayā. Nanahetuṃ nasanidassanasappaṭighaṃ dhammaṃ paṭicca nahetu nasanidassanasappaṭigho dhammo uppajjati hetupaccayā. Nanahetuṃ nasanidassanasappaṭighaṃ dhammaṃ paṭicca nahetu nasanidassanasappaṭigho ca nanahetu nasanidassanasappaṭigho ca dhammā uppajjanti hetupaccayā. (3)

Nahetuṃ nasanidassanasappaṭighañca nanahetuṃ nasanidassanasappaṭighañca dhammaṃ paṭicca nahetu nasanidassanasappaṭigho dhammo uppajjati hetupaccayā. Nahetuṃ nasanidassanasappaṭighañca nanahetuṃ nasanidassanasappaṭighañca dhammaṃ paṭicca nanahetu nasanidassanasappaṭigho dhammo uppajjati hetupaccayā. Nahetuṃ nasanidassanasappaṭighañca nanahetuṃ nasanidassanasappaṭighañca dhammaṃ paṭicca nahetu nasanidassanasappaṭigho ca nanahetu nasanidassanasappaṭigho ca dhammā uppajjanti hetupaccayā. (3) (Saṃkhittaṃ.)

Hetuyā nava…pe… avigate nava. (Sabbattha nava.)

30. Nahetuṃ naanidassanasappaṭighaṃ dhammaṃ paṭicca nahetu naanidassanasappaṭigho dhammo uppajjati hetupaccayā. Nahetuṃ naanidassanasappaṭighaṃ dhammaṃ paṭicca nanahetu naanidassanasappaṭigho dhammo uppajjati hetupaccayā. Nahetuṃ naanidassanasappaṭighaṃ dhammaṃ paṭicca nahetu naanidassanasappaṭigho ca nanahetu naanidassanasappaṭigho ca dhammā uppajjanti hetupaccayā. (3)

Nanahetuṃ naanidassanasappaṭighaṃ dhammaṃ paṭicca nanahetu naanidassanasappaṭigho dhammo uppajjati hetupaccayā. Nanahetuṃ naanidassanasappaṭighaṃ dhammaṃ paṭicca nahetu naanidassanasappaṭigho dhammo uppajjati hetupaccayā. Nanahetuṃ naanidassanasappaṭighaṃ dhammaṃ paṭicca nahetu naanidassanasappaṭigho ca nanahetu naanidassanasappaṭigho ca dhammā uppajjanti hetupaccayā. (3)

Nahetuṃ naanidassanasappaṭighañca nanahetuṃ naanidassanasappaṭighañca dhammaṃ paṭicca nahetu naanidassanasappaṭigho dhammo uppajjati hetupaccayā. Nahetuṃ naanidassanasappaṭighañca nanahetuṃ naanidassanasappaṭighañca dhammaṃ paṭicca nanahetu naanidassanasappaṭigho dhammo uppajjati hetupaccayā. Nahetuṃ naanidassanasappaṭighañca nanahetuṃ naanidassanasappaṭighañca dhammaṃ paṭicca nahetu naanidassanasappaṭigho ca nanahetu naanidassanasappaṭigho ca dhammā uppajjanti hetupaccayā. (3) (Saṃkhittaṃ.)

Hetuyā nava…pe… avigate nava. (Sahajātavārepi…pe… sampayuttavārepi sabbattha vitthāro.)

Hetu-ārammaṇapaccayā

31. Nanahetu naanidassanasappaṭigho dhammo nanahetussa naanidassanasappaṭighassa dhammassa hetupaccayena paccayo. Nanahetu naanidassanasappaṭigho dhammo nahetussa naanidassanasappaṭighassa dhammassa hetupaccayena paccayo. Nanahetu naanidassanasappaṭigho dhammo nahetussa naanidassanasappaṭighassa ca nanahetussa naanidassanasappaṭighassa ca dhammassa hetupaccayena paccayo. (3)

Nahetu naanidassanasappaṭigho dhammo nahetussa naanidassanasappaṭighassa dhammassa ārammaṇapaccayena paccayo. (Saṃkhittaṃ.)

Hetuyā tīṇi, ārammaṇe nava…pe… upanissaye nava, purejāte pacchājāte tīṇi, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge sampayutte nava, vippayutte pañca…pe… avigate nava. (Pañhāvāraṃ evaṃ vitthāretabbaṃ.)

32. Nahetuṃ naanidassanaappaṭighaṃ dhammaṃ paṭicca nahetu naanidassanaappaṭigho dhammo uppajjati hetupaccayā. (1) (Saṃkhittaṃ.)

Hetuyā ekaṃ. (Sabbattha vitthāro.)

2-3-1. Sahetukadukādi-kusalattikaṃ

33. Nasahetukaṃ nakusalaṃ dhammaṃ paṭicca nasahetuko nakusalo dhammo uppajjati hetupaccayā – vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ, ekaṃ mahābhūtaṃ paṭicca tayo mahābhūtā…pe… dve mahābhūte…pe… nasahetukaṃ nakusalaṃ dhammaṃ paṭicca naahetuko nakusalo dhammo uppajjati hetupaccayā – vicikicchāsahagataṃ uddhaccasahagataṃ mohaṃ paṭicca sampayuttakā khandhā; paṭisandhikkhaṇe vatthuṃ paṭicca sahetukā khandhā. Nasahetukaṃ nakusalaṃ dhammaṃ paṭicca nasahetuko nakusalo ca naahetuko nakusalo ca dhammā uppajjanti hetupaccayā. (3)

Naahetukaṃ nakusalaṃ dhammaṃ paṭicca naahetuko nakusalo dhammo uppajjati hetupaccayā… tīṇi.

Nasahetukaṃ nakusalañca naahetukaṃ nakusalañca dhammaṃ paṭicca nasahetuko nakusalo dhammo uppajjati hetupaccayā… tīṇi. (Saṃkhittaṃ.)

Hetuyā nava.

34. Nasahetukaṃ naakusalaṃ dhammaṃ paṭicca nasahetuko naakusalo dhammo uppajjati hetupaccayā… tīṇi.

Naahetukaṃ naakusalaṃ dhammaṃ paṭicca naahetuko naakusalo dhammo uppajjati hetupaccayā… tīṇi.

Nasahetukaṃ naakusalañca naahetukaṃ naakusalañca dhammaṃ paṭicca nasahetuko naakusalo dhammo uppajjati hetupaccayā… tīṇi. (Saṃkhittaṃ.)

Hetuyā nava.

35. Nasahetukaṃ naabyākataṃ dhammaṃ paṭicca naahetuko naabyākato dhammo uppajjati hetupaccayā. (1)

Naahetukaṃ naabyākataṃ dhammaṃ paṭicca naahetuko naabyākato dhammo uppajjati hetupaccayā. (1)

Nasahetukaṃ naabyākatañca naahetukaṃ naabyākatañca dhammaṃ paṭicca naahetuko naabyākato dhammo uppajjati hetupaccayā. (1) (Saṃkhittaṃ.)

Hetuyā tīṇi.

(Hetusampayuttadukaṃ sahetukadukasadisaṃ.)

4-5-1. Hetusahetukadukādi-kusalattikaṃ

36. Nahetuñceva naahetukañca nakusalaṃ dhammaṃ paṭicca nahetu ceva naahetuko ca nakusalo dhammo uppajjati hetupaccayā. Nahetuñceva naahetukañca nakusalaṃ dhammaṃ paṭicca naahetuko ceva nana ca hetu nakusalo dhammo uppajjati hetupaccayā. Nahetuñceva naahetukañca nakusalaṃ dhammaṃ paṭicca nahetu ceva naahetuko ca nakusalo ca naahetuko ceva nana ca hetu nakusalo ca dhammā uppajjanti hetupaccayā. (3)

Naahetukañceva nana ca hetuṃ nakusalaṃ dhammaṃ paṭicca naahetuko ceva nana ca hetu nakusalo dhammo uppajjati hetupaccayā… tīṇi.

Nahetuñceva naahetukañca nakusalañca naahetukañceva nana ca hetuṃ nakusalañca dhammaṃ paṭicca nahetu ceva naahetuko ca nakusalo dhammo uppajjati hetupaccayā… tīṇi. (Saṃkhittaṃ.)

Hetuyā nava.

37. Nahetuñceva naahetukañca naakusalaṃ dhammaṃ paṭicca nahetu ceva naahetuko ca naakusalo dhammo uppajjati hetupaccayā. (Saṃkhittaṃ.)

Hetuyā nava.

38. Nahetuñceva naahetukañca naabyākataṃ dhammaṃ paṭicca nahetu ceva naahetuko ca naabyākato dhammo uppajjati hetupaccayā. (Saṃkhittaṃ.)

Hetuyā nava.

(Hetuhetusampayuttadukaṃ hetusahetukadukasadisaṃ.)

6-1. Nahetusahetukaduka-kusalattikaṃ

39. Nahetuṃ nasahetukaṃ nakusalaṃ dhammaṃ paṭicca nahetu nasahetuko nakusalo dhammo uppajjati hetupaccayā. (Saṃkhittaṃ.)

Hetuyā nava.

40. Nahetuṃ nasahetukaṃ naakusalaṃ dhammaṃ paṭicca nahetu nasahetuko naakusalo dhammo uppajjati hetupaccayā. (Saṃkhittaṃ.)

Hetuyā nava.

41. Nahetuṃ naahetukaṃ naabyākataṃ dhammaṃ paṭicca nahetu naahetuko naabyākato dhammo uppajjati hetupaccayā. (Ekapañhameva. Etena upāyena kusalākusaladukaṃ kusalattikameva ettha vaṭṭati.)

7-13-1. Cūḷantaradukāni-kusalattikaṃ

42. Naapaccayaṃ nakusalaṃ dhammaṃ paṭicca…pe…. (Sabbattha ekaṃ.) Naasaṅkhataṃ nakusalaṃ dhammaṃ paṭicca…pe….

43. Nasanidassanaṃ nakusalaṃ dhammaṃ paṭicca….

44. Nasappaṭighaṃ nakusalaṃ dhammaṃ paṭicca…pe… naappaṭighaṃ nakusalaṃ dhammaṃ paṭicca….

45. Narūpiṃ nakusalaṃ dhammaṃ paṭicca…pe… naarūpiṃ nakusalaṃ dhammaṃ paṭicca ….

46. Nalokiyaṃ nakusalaṃ dhammaṃ paṭicca…pe… nalokuttaraṃ nakusalaṃ dhammaṃ paṭicca….

47. Nakenaci viññeyyaṃ nakusalaṃ dhammaṃ paṭicca…pe… nanakenaci viññeyyaṃ nakusalaṃ dhammaṃ paṭicca….

14-19-1. Āsavagocchaka-kusalattikaṃ

48. Naāsavaṃ nakusalaṃ dhammaṃ paṭicca…pe… nanoāsavaṃ nakusalaṃ dhammaṃ paṭicca….

49. Nasāsavaṃ nakusalaṃ dhammaṃ paṭicca…pe… naanāsavaṃ kusalaṃ dhammaṃ paṭicca….

50. Naāsavasampayuttaṃ nakusalaṃ dhammaṃ paṭicca…pe… naāsavavippayuttaṃ nakusalaṃ dhammaṃ paṭicca….

51. Naāsavañceva naanāsavañca nakusalaṃ dhammaṃ paṭicca…pe… naanāsavañceva nano ca āsavaṃ nakusalaṃ dhammaṃ paṭicca….

52. Naāsavañceva naāsavavippayuttañca nakusalaṃ dhammaṃ paṭicca…pe… naāsavavippayuttañceva nano ca āsavaṃ nakusalaṃ dhammaṃ paṭicca….

53. Āsavavippayuttaṃ nasāsavaṃ nakusalaṃ dhammaṃ paṭicca…pe… āsavavippayuttaṃ naanāsavaṃ nakusalaṃ dhammaṃ paṭicca….

20-54-1. Chagocchakāni-kusalattikaṃ

54. Nosaññojanaṃ nakusalaṃ dhammaṃ paṭicca…pe… nanosaññojanaṃ nakusalaṃ dhammaṃ paṭicca….

55. Noganthaṃ nakusalaṃ dhammaṃ paṭicca…pe… nooghaṃ…pe… noyogaṃ…pe… nonīvaraṇaṃ.

Noparāmāsaṃ nakusalaṃ dhammaṃ paṭicca….

55-1. Mahantaraduka-kusalattikaṃ

56. Nasārammaṇaṃ nakusalaṃ dhammaṃ paṭicca…pe… naanārammaṇaṃ nakusalaṃ dhammaṃ paṭicca….

57. Nacittaṃ nakusalaṃ dhammaṃ paṭicca…pe… nanocittaṃ nakusalaṃ dhammaṃ paṭicca….

58. Nacetasikaṃ nakusalaṃ dhammaṃ paṭicca…. (Saṃkhittaṃ.)

59. Nacittasampayuttaṃ nakusalaṃ dhammaṃ paṭicca…. (Saṃkhittaṃ.)

60. Nacittasaṃsaṭṭhaṃ nakusalaṃ dhammaṃ paṭicca….

61. Nocittasamuṭṭhānaṃ nakusalaṃ dhammaṃ paṭicca….

62. Nocittasahabhuṃ nakusalaṃ dhammaṃ paṭicca….

63. Nocittānuparivattiṃ nakusalaṃ dhammaṃ paṭicca…pe…. Nocittasaṃsaṭṭhasamuṭṭhānaṃ nakusalaṃ dhammaṃ paṭicca…pe… nocittasaṃsaṭṭhasamuṭṭhānasahabhuṃ nakusalaṃ dhammaṃ paṭicca…pe… nocittasaṃsaṭṭhasamuṭṭhānānuparivattiṃ nakusalaṃ dhammaṃ paṭicca….

64. Naajjhattikaṃ nakusalaṃ dhammaṃ paṭicca…pe… nabāhiraṃ nakusalaṃ dhammaṃ paṭicca….

65. Naupādā nakusalaṃ dhammaṃ paṭicca….

66. Naupādinnaṃ nakusalaṃ dhammaṃ paṭicca….

69-74-1. Upādānagocchaka-kusalattikaṃ

67. Noupādānaṃ nakusalaṃ dhammaṃ paṭicca….

75-82-1. Kilesagocchaka-kusalattikaṃ

68. Nokilesaṃ nakusalaṃ dhammaṃ paṭicca…pe… nanokilesaṃ nakusalaṃ dhammaṃ paṭicca….

69. Nasaṃkilesikaṃ nakusalaṃ dhammaṃ paṭicca…pe… naasaṃkilesikaṃ nakusalaṃ dhammaṃ paṭicca….

70. Nasaṃkiliṭṭhaṃ nakusalaṃ dhammaṃ paṭicca…pe… naasaṃkiliṭṭhaṃ nakusalaṃ dhammaṃ paṭicca….

71. Nakilesasampayuttaṃ nakusalaṃ dhammaṃ paṭicca…pe… nakilesavippayuttaṃ nakusalaṃ dhammaṃ paṭicca….

72. Nakilesañceva naasaṃkilesikañca nakusalaṃ dhammaṃ paṭicca…pe… naasaṃkilesikañceva nano ca kilesaṃ nakusalaṃ dhammaṃ paṭicca….

73. Nakilesañceva naasaṃkiliṭṭhañca nakusalaṃ dhammaṃ paṭicca…pe… naasaṃkiliṭṭhañceva nano ca kilesaṃ nakusalaṃ dhammaṃ paṭicca…pe… nakilesañceva nakilesavippayuttañca nakusalaṃ dhammaṃ paṭicca…pe… nakilesavippayuttañceva nano ca kilesaṃ nakusalaṃ dhammaṃ paṭicca…pe… (sabbattha nava, vipākaṃ natthi).

Kilesavippayuttaṃ nasaṃkilesikaṃ nakusalaṃ dhammaṃ paṭicca…pe… kilesavippayuttaṃ naasaṃkilesikaṃ nakusalaṃ dhammaṃ paṭicca….

83-1. Piṭṭhiduka-kusalattikaṃ

74. Nadassanena pahātabbaṃ nakusalaṃ dhammaṃ paṭicca…pe… nanadassanena pahātabbaṃ nakusalaṃ dhammaṃ paṭicca….

75. Nabhāvanāya pahātabbaṃ nakusalaṃ dhammaṃ paṭicca…pe… nanabhāvanāya pahātabbaṃ nakusalaṃ dhammaṃ paṭicca….

76. Nadassanena pahātabbahetukaṃ nakusalaṃ dhammaṃ paṭicca…pe… nanadassanena pahātabbahetukaṃ nakusalaṃ dhammaṃ paṭicca…pe… nabhāvanāya pahātabbahetukaṃ nakusalaṃ dhammaṃ paṭicca…pe… nanabhāvanāya pahātabbahetukaṃ nakusalaṃ dhammaṃ paṭicca….

77. Nasavitakkaṃ nakusalaṃ dhammaṃ paṭicca…pe… naavitakkaṃ nakusalaṃ dhammaṃ paṭicca…pe… nasavicāraṃ nakusalaṃ dhammaṃ paṭicca…pe… naavicāraṃ nakusalaṃ dhammaṃ paṭicca…pe… nasappītikaṃ nakusalaṃ dhammaṃ paṭicca…pe… naappītikaṃ nakusalaṃ dhammaṃ paṭicca …pe… napītisahagataṃ nakusalaṃ dhammaṃ paṭicca…pe… nanapītisahagataṃ nakusalaṃ dhammaṃ paṭicca…pe… nasukhasahagataṃ nakusalaṃ dhammaṃ paṭicca…pe… nanasukhasahagataṃ nakusalaṃ dhammaṃ paṭicca…pe… naupekkhāsahagataṃ nakusalaṃ dhammaṃ paṭicca…pe… nanaupekkhāsahagataṃ nakusalaṃ dhammaṃ paṭicca ….

78. Nakāmāvacaraṃ nakusalaṃ dhammaṃ paṭicca…pe… nanakāmāvacaraṃ nakusalaṃ dhammaṃ paṭicca…pe… narūpāvacaraṃ nakusalaṃ dhammaṃ paṭicca…pe… nanarūpāvacaraṃ nakusalaṃ dhammaṃ paṭicca….

79. Naarūpāvacaraṃ nakusalaṃ dhammaṃ paṭicca…pe… nanaarūpāvacaraṃ nakusalaṃ dhammaṃ paṭicca….

80. Napariyāpannaṃ nakusalaṃ dhammaṃ paṭicca…pe… naapariyāpannaṃ nakusalaṃ dhammaṃ paṭicca….

81. Naniyyānikaṃ nakusalaṃ dhammaṃ paṭicca…pe… naaniyyānikaṃ nakusalaṃ dhammaṃ paṭicca…. (Saṃkhittaṃ. Sabbattha ekaṃ.)

Naniyataṃ nakusalaṃ dhammaṃ paṭicca…pe… naaniyataṃ nakusalaṃ dhammaṃ paṭicca…. (Saṃkhittaṃ.)

82. Nasauttaraṃ nakusalaṃ dhammaṃ paṭicca…pe… naanuttaraṃ nakusalaṃ dhammaṃ paṭicca…. (Saṃkhittaṃ.)

83. Nasaraṇaṃ nakusalaṃ dhammaṃ paṭicca nasaraṇo nakusalo dhammo uppajjati hetupaccayā. (1)

Naaraṇaṃ nakusalaṃ dhammaṃ paṭicca naaraṇo nakusalo dhammo uppajjati hetupaccayā. Naaraṇaṃ nakusalaṃ dhammaṃ paṭicca nasaraṇo nakusalo dhammo uppajjati hetupaccayā. Naaraṇaṃ nakusalaṃ dhammaṃ paṭicca nasaraṇo nakusalo ca naaraṇo nakusalo ca dhammā uppajjanti hetupaccayā. (3)

Nasaraṇaṃ nakusalañca naaraṇaṃ nakusalañca dhammaṃ paṭicca nasaraṇo nakusalo dhammo uppajjati hetupaccayā. (1) (Saṃkhittaṃ.)

84. Nasaraṇaṃ naakusalaṃ dhammaṃ paṭicca nasaraṇo naakusalo dhammo uppajjati hetupaccayā. (Saṃkhittaṃ.) Hetuyā ekaṃ. (Sabbattha ekaṃ.)

85. Nasaraṇaṃ naabyākataṃ dhammaṃ paṭicca nasaraṇo naabyākato dhammo uppajjati hetupaccayā. (1)

Naaraṇaṃ naabyākataṃ dhammaṃ paṭicca naaraṇo naabyākato dhammo uppajjati hetupaccayā. (1) (Saṃkhittaṃ.)

Hetuyā dve, ārammaṇe dve…pe… avigate dve.

(Sahajātavārepi…pe… pañhāvārepi sabbattha vitthāro.)

100-2. Saraṇaduka-vedanādittikāni

Paccayacatukkaṃ

Hetupaccayo

86. Nasaraṇaṃ nasukhāya vedanāya sampayuttaṃ dhammaṃ paṭicca…pe… nasaraṇaṃ nadukkhāya vedanāya sampayuttaṃ dhammaṃ paṭicca…pe… nasaraṇaṃ naadukkhamasukhāya vedanāya sampayuttaṃ dhammaṃ paṭicca….

87. Nasaraṇaṃ navipākaṃ dhammaṃ paṭicca….

Nasaraṇaṃ navipākadhammadhammaṃ paṭicca….

Nasaraṇaṃ nanevavipākanavipākadhammadhammaṃ paṭicca….

88. Nasaraṇaṃ naupādinnupādāniyaṃ dhammaṃ paṭicca….

Nasaraṇaṃ naanupādinnupādāniyaṃ dhammaṃ paṭicca….

Nasaraṇaṃ naanupādinnaanupādāniyaṃ dhammaṃ paṭicca….

100-22. Saraṇaduka-sanidassanattikaṃ

89. Nasaraṇaṃ nasanidassanasappaṭighaṃ dhammaṃ paṭicca nasaraṇo nasanidassanasappaṭigho dhammo uppajjati hetupaccayā. (1)

Naaraṇaṃ nasanidassanasappaṭighaṃ dhammaṃ paṭicca naaraṇo nasanidassanasappaṭigho dhammo uppajjati hetupaccayā. Naaraṇaṃ nasanidassanasappaṭighaṃ dhammaṃ paṭicca nasaraṇo nasanidassanasappaṭigho dhammo uppajjati hetupaccayā. Naaraṇaṃ nasanidassanasappaṭighaṃ dhammaṃ paṭicca nasaraṇo nasanidassanasappaṭigho ca naaraṇo nasanidassanasappaṭigho ca dhammā uppajjanti hetupaccayā. (3)

Nasaraṇaṃ nasanidassanasappaṭighañca naaraṇaṃ nasanidassanasappaṭighañca dhammaṃ paṭicca nasaraṇo nasanidassanasappaṭigho dhammo uppajjati hetupaccayā. (1) (Saṃkhittaṃ.)

Hetuyā pañca.

90. Nasaraṇaṃ nasanidassanasappaṭighaṃ dhammaṃ paṭicca nasaraṇo naanidassanasappaṭigho dhammo uppajjati hetupaccayā. (1)

Naaraṇaṃ naanidassanasappaṭighaṃ dhammaṃ paṭicca naaraṇo naanidassanasappaṭigho dhammo uppajjati hetupaccayā. Naaraṇaṃ naanidassanasappaṭighaṃ dhammaṃ paṭicca nasaraṇo naanidassanasappaṭigho dhammo uppajjati hetupaccayā. Naaraṇaṃ naanidassanasappaṭighaṃ dhammaṃ paṭicca nasaraṇo naanidassanasappaṭigho ca naaraṇo naanidassanasappaṭigho ca dhammā uppajjanti hetupaccayā. (3)

Nasaraṇaṃ naanidassanasappaṭighañca naaraṇaṃ naanidassanasappaṭighañca dhammaṃ paṭicca nasaraṇo naanidassanasappaṭigho dhammo uppajjati hetupaccayā. (1) (Saṃkhittaṃ.)

Hetuyā pañca, ārammaṇe dve…pe… avigate pañca.

(Sahajātavārepi…pe… pañhāvārepi sabbattha vitthāretabbaṃ.)

91. Nasaraṇaṃ naanidassanaappaṭighaṃ dhammaṃ paṭicca nasaraṇo naanidassanaappaṭigho dhammo uppajjati hetupaccayā. (Saṃkhittaṃ.)

Hetuyā ekaṃ. (Sabbattha vitthāro.)

Dhammapaccanīye dukatikapaṭṭhānaṃ niṭṭhitaṃ.

 

 

* Bài viết trích trong Paṭṭhānapāḷi-5 >> Abhidhammapiṭaka >> Tipiṭaka (Mūla), nguồn Tipitaka.org. Tải sách PDF tại đây.

TẢI MOBILE APP PHẬT GIÁO THERAVĀDA ĐỂ XEM THÊM NHIỀU THÔNG TIN HỮU ÍCH (ANDROID & IOS)